Sekretaressedag


Toekenning


Graad 1 klaswerk



Pantoffeldag



1ste span teen Risiville

 

 

 

 

 

 

Uit die hoof se kantoor

Baie welkom by Laerskool Totius aan die begin van 2014. Ons glo dat dit weereens ‘n suksesvolle jaar, vol pragtige hoogtepunte sal wees. Baie welkom terug aan al ons leerlinge, ouers en personeel. ‘n Spesiale woord van dank aan al ons nuwe ouers en leerlinge, wat hierdie jaar vir die eerste keer by ons aangesluit het. Ons vertrou dat u verbintenis met Totius ‘n lang en gelukkige een sal wees.

Ons wil ook baie geluk sê aan al ons oud-leerlinge wat in 2013 gematrikuleer het. Dit was heerlik om te sien dat julle so goed presteer het. Ons is trots op julle en sterkte vir die pad voorentoe. Gedurende 2014 wil ons graag klem lê op die volgende kernwaardes, wat ons glo sal bydrae tot die sukses van ons leerlinge en skool.

Eerstens wil ons ‘n positiewe gesindheid onder ons leerlinge kweek. Maak nie saak waar hulle gaan en waarmee hulle besig is nie, dit moet met die regte gesindheid aangepak en deurgevoer word.

Tweedens gaan ons klem lê op respek. Dit sluit in selfrespek, respek vir hul ouers, familie, onderwysers en maats. Dit sluit ook in respek vir die regte en eiendom van die gemeenskap.

Ons optrede sal gemeet word aan hierdie twee kernwaardes. Indien ons hierdie twee waardes kan vestig, sal ons die minimum probleme in die skool hê. Dit is immers ons strewe om ‘n gelukkige skoolgemeenskap te skep, waar kinders kan leef en presteer.

Ons wil graag hande vat met ons ouers sodat ons u kind se volle potensiaal kan verwesenlik.

Kom ons werk en wen.